Bosforoko Erresuma

Bosforoko Erresuma
Geografia
Hiriburua	Panticapea 45°21′3″N 36°28′7″E
Kontinentea	Europa
Administrazioa
Gobernu-sistema	monarkia
Demografia
Erabilitako hizkuntzak	ikusi koiné eta Scythian (en)
Erlijioa	Antzinako Greziako erlijioa
Historia
Sorrera data: K.a. 437
Bestelako informazioa

Bosforoko Erresuma^[1] edo Zimeriar Bosforoko Erresuma (antzinako grezieraz: Βασίλειον τοῦ Κιμμερικοῦ Βοσπόρου, Basileion tou Kimmerikou Bosporou) Itsaso Beltzan zegoen antzinaroko herrialdea izan zen, k.a. 438an Spartokos I.ak sortua. Kertx-eko itsasarteko eskualdean zegoen, eta joniar jatorriko greziar kolonia batzuen batasunak eratu zuen. Kolonia horien artean Eupatoria, Fanagoria, Feodosia, Tanais, Olbia eta Panticapea nabarmendu ziren, gehienak Krimean, greziarrek Khersoneso Tauriko deitzen zioten penintsulan, kokatuak. Bere hiriburua Panticapea hiria izan zen.

Eszitiarrekiko harremanak eta hurbiltasunak Ponto Euxinoko iparraldeko kostaldeko greziar kolonien kulturan eta artean eragin handia izan zuen, baita eszitiarrek etengabe egindako erasoen ondorioz ezegonkortasun-iturri ere. Eraso hauetatik defendatzeko ezintasunaren aurrean, erresuma Pontoko Erresumaren babespean sartu zen. Ondoren, sarmaziarrek eszitiarrak lekuz aldatu zituzten, eta greziar hiriei erasotzen jarraitu zuten. Azkenean, erresumak, biziraupena bermatzeko, erromatarren eraginpean geratzea onartu zuen.

Hurrengo mendeetan zehar, erroxolanek eta iazigiarrek etengabeko mehatxua eragin zuten beren bizitzarako. Godoek, azkenean, herri horiek baztertu eta erresuma inbaditu zuten, IV. mendean barbaroen inbasioen garaian suntsitua izan zena. Hiriek iraun egin zuten hamarkada batzuetan, hunoak iritsi arte.

Erreferentziak

Kanpo estekak

• Datuak: Q321371
• Multimedia: Bosporan Kingdom / Q321371