Amber Bracken

Amber Bracken
Bizitza
Jaiotza	1984ko apirila (40 urte)
Herrialdea	Kanada
Bizilekua	Alberta
Jarduerak
Jarduerak	fotokazetaria
Jasotako sariak	ikusi World Press Photo of the Year (2022)
amberbracken.com

Amber Bracken (Kanada, 1984ko apirila) argazkilari independentea eta fotokazetaria da.

“2022ko urteko argazkilaria” izendatu zuten World Press Photon.

Biografia

Amber Brackenek fotokazetaritzako diploma bat lortu zuen Southern Alberta Institue of Technologyn, 2008an. Edmonton Sun egunkarirako argazkilari gisa hasi ondoren, argazkilari independente bihurtu zen, iraupen luzeko proiektuak egiteko.

Dakota Access oliobidearen aurkakotasunari buruzko lanarekin, World Press Photo bat irabazi zuen 2017an.^[1]

2021eko azaroan, Coastal GasLink gasbidearen aurkako manifestazio baten berri ematen ari zela The Narwhal online komunikabiderako, atxilotu egin zuten, Columbia Britainiarraren iparraldean.^[2]^[3]

2021eko ekainean, 200 hilobi anonimo aurkitu zituzten indigenentzako Kamloopseko lehengo barnetegira joan zen, eta hildako haurren oroimenez Columbia Britainiarreko autobide batean gurutzeetan zintzilik jarritako soineko gorriei argazkia atera zien. Argazki hori The New York Timesek argitaratu zuen, eta, 2022an, urteko argazkilariaren World Press Photo saria jaso zuen.^[4]

Bere argazkiak hedabide hauetan argitaratu izan dira: National Geographic, The Guardian^[5], The New York Times, The Globe and Mail, BuzzFeed, The Wall Street Journal, Maclean's, Canadian Geographic^[6].

Rogue Collective^[6] argazkilari-taldeko kidea, Amber Bracken Edmontonen (Alberta) bizi da, eta bertan lan egiten du.^[7]

Sariak eta goraipamenak

Zerrenda ez da zehatza

2016: Pictures of the Year International, Issue Reporting Picture Story, 1.^[8]
2017: World Press Photo, Contemporary Issues Story, 1.^[1]
2017: PDN Photo Annual, The Marty Forscher Fellowship
2017: Lens Culture Exposure Awards, Jurors’ picks
2018: ICP Infinity Award: Dokumentala eta Photokazetaritza^[9]
2018: Anja Niedringhaus in Photojournalism Award, emakume fotokazetarien kuraia sariko ohorezko aipamena^[6]
2018: Magenta Foundation Flash Forward Emerging Photographer
2022: World Press Photo of the Year “Kamploops Residential School” klixeagatik, Kamloopeko asimilazio-barnetegi indiarrean hildako haurren omenez”.^[10]^[4]

Erreferentziak

↑ ^a ^b 2017 Amber Bracken CIS1-AJ | World Press Photo. .
↑ Provost, Anne-Marie. (2021-11-22). La photojournaliste Amber Bracken et le documentariste Michael Toledano libérés. .
↑ QMI, Agence. (25 décembre 2021). Pipeline controversé: Coastal GasLink abandonne les poursuites contre deux journalistes. .
↑ ^a ^b Caillou, Annabelle. (2022-04-07). La mémoire des Autochtones au cœur des clichés lauréats du World Press Photo 2022. .
↑ Canada: protests go mainstream as support for Wet'suwet'en pipeline fight widens. 2020-02-14.
↑ ^a ^b ^c Amber Bracken - IWMF. .
↑ Edmonton photographer describes covering Standing Rock and Dakota Access pipeline | Globalnews.ca. 11 décembre 2016.
↑ National Pictures of the Year (NPOY) Winners – News Photographers Association of Canada. .
↑ ICP Awards 2018 – Amber Bracken : « Toute une civilisation a été déplacée ». 2018-04-12.
↑ World Press Photo 2022: Amber Bracken gagne la “Photo of the Year”. 2022-04-07.