Alaitz Olaizola

Alaitz Olaizola
Bizitza
Jaiotzako izen-deiturak	Alaitz Olaizola Borda
Jaiotza	Azpeitia, 1975 (48/49 urte)
Herrialdea	Gipuzkoa, Euskal Herria
Hezkuntza
Hizkuntzak	euskara
Jarduerak
Jarduerak	idazlea

Alaitz Olaizola Borda (Azpeitia, Gipuzkoa, 1975) euskal idazlea da. Haur hezkuntzan diplomatua.

Bizitza

Eskola antzerkigintzan aritzetik, Antxieta antzerki taldera pasatu zen, geroago, Azpeitiko Ikasberri ikastolako Lakrikun antzerki taldean hasteko. Gaur egun, antzerki talde horretan aritzen da, aktore.

Bere lehenengo antzerki lana, Lakrikun antzerki taldearentzako idatzi zuen: Ez dira berdinak, antzekoak baizik. Geroztik, berak idatzitako lanak izan dira taldeak taularatu dituenak: Zereko zera zertzen delako zereko zerarekin, Garalderen requiema, Agoragofobiatuta, Maritxu nora zoaz..., Zintzilik.

Toribio Altzaga Saria bitan lortu du, lehenbizikoa 2001ean Zereko zera [...] lanarekin, eta bigarrena 2006an Joanes: itxaropenaren semea lanarekin.

2004an, Donostia Hiria saria Clitemnestraren itzulera antzerki lanarekin. Gerora, helduentzako antzerkia gaiz, haur antzerkia idazteari ekin dio, Erein argitaletxearen Antzoki Txikia sailean argitaratuak izan direnak. Bitarte honetan, Azpeitiko Uztarria aldizkarirako iritzi artikuluak idazten aritu da. Gaur egun, Uztarria.com webgunean blogari aritzen da.

Antzerkiak idatzi eta jokatzeaz gain, emakumeentzako antzerki lantegi baten animatzaile aritzen da herrian bertan.

Lanak

Antzerkia

• Ez dira berdinak, antzekoak baizik (Lakrikun antzerki taldea)
• Garalderem Requiem-a (Lakrikun antzerki taldea)
• Agoragofobiatuta (Lakrikun antzerki taldea)
• Zintzilik (Lakrikun antzerki taldea)
• Sateliteatzen (Azpeitiko Emakumeen Antzerki Tailerra)
• Kontuz, garbitu berria (Azpeitiko Emakumeen Antzerki Tailerra)
• Bai, nor da? (Azpeitiko Emakumeen Antzerki Tailerra)
• Iraultza azokan (Azpeitiko Emakumeen Antzerki Tailerra)
• Habemus zirkus (Azpeitiko Emakumeen Antzerki Tailerra)
• Autobusaren zain II (Azpeitiko Emakumeen Antzerki Tailerra)
• Zereko zera zertzen delako zereko zerarekin (2002, Euskaltzaindia - BBK)
• Clitemnestra-ren itzulera (2004, Kutxa)
• Joanes (Itxaropenaren semea) (2006, Euskaltzaindia - BBK)
• (LO)turak" (Azpeitiko Emakumeen Antzerki Tailerra)
• Lost and found" (Gauza galduak) (Azpeitiko Emakumeen Antzerki Tailerra)

Antzerkia - haur eta gazte literatura

• Autobusaren zain (2005, Erein)
• Non biziko gara? (2005, Erein)
• Txiukue (2005, Erein)
• Denboraren makina (2007, Erein)
• Torrepeko zaldunak (2009, Erein)
• Sekretuen lapurrak (2011, Erein)

Bestelakoak - Haur eta gazte literatura

• Mikel eta Mikaela (2010, erein)

Sariak

• BBK-Euskaltzaindiaren Toribio Altzaga antzerki sariaren irabazlea 2001ean eta 2006an, azken urte honetan Joanes (Itxaropenaren semea) lanari esker.
• Donostia Hiria, Clitemnestraren itzulera lanarekin, 2004an.

Kanpo estekak

• «Alaitz Olaizola», Literaturaren Zubitegia.
• «Alaitz Olaizola»^{[Betiko hautsitako esteka]}, Euskal Idazleen Elkartearen webgunea.

• Datuak: Q12253059